Jæja, afmælið mitt var dásamlegt þökk sé yndislegu fólki. Ég fékk skemmtileg símtöl og email og comment og ég var bara mjög hamingjusöm.
Í gær var ég að rölta heim, framhjá mér hjólaði lúði á fjallahjóli og flautaði fít fíjú á mig. Ég setti upp svip en svo fór ég að hlæja í laumi af því að ég hélt að menn hefðu hætt að flauta fít fíjú fyrir mörgum árum síðan. Í hádegishlénu mínu í gær gengu ég og Lulu skólasystir mín framhjá konu með svartan kross á enninu. Ég leit glottandi á Lulu og sagði: ,, Eitthvað er nú að." Þá sagði Lulu: "It´s Ash Wednesday lúðinn þinn."
,, Ha?" hváði ég ósköp heimóttarlega. Það sem eftir lifði dags sá ég fullt af fólki með öskukross á enninu. Þetta eru víst kaþólikkar sem fara í kirkju á Öskudegi og presturinn klínir ösku í kross á ennið á þeim. Mjög furðulegt og dramatískt á að líta. Ég útskýrði öskudag fyrir Lulu og henni fannst okkar aðferð til að halda upp á öskudag vera mun skrítnari.
Aríprinsinn er að reka á eftir mér og því verð ég að drulla mér. Ég man samt ekki af hverju við þurfum að flýta okkur. Ætli það sé kviknað í?
Gerast áskrifandi að:
Birta ummæli (Atom)
4 ummæli:
hahaha!
þetta minnir mig á það hvað mér þótti fyndið að færeyingar skildu kalla tíkarspena rottuhala. þegar ég fór svo að útskýra fyrir þeim hvað tíkarspenar þýða í bókstaflegri merkingu komst ég að því að því hverjir eru klikkaðir.
hahaha, tíkarspenar. Svei mér þá ég hef aldrei pælt í því áður.
hehe.... ég fattaði þetta með öskuna einu sinni í mexíkó. gleymdi greinilega að segja þér frá því.
var annars nokkuð kviknað í?
nei nei, við vorum bara að fara að hjálpa Hólmari að flytja dót og árni var að reka á eftir mér.
Skrifa ummæli