er án efa skemmtilegasta barnabók sem ég hef lesið. Kannski er það bara af því að ég las færeysku þýðinguna. Mig minnir að hún hafi upphaflega verið skrifuð á sænsku. Svo skemmir ekki fyrir bókinni að hún er myndskreytt af sömu manneskju og myndskreytti Grænu höndina. Sú hönd eyðilagði fyrir mér afmælisdag. Ég fékk þessa draugasögubók í afmælisgjöf og afmælisgestirnir gátu ekki stillt sig um að lesa upphátt úr henni í boðinu. Vitaskuld varð ég andvaka og las bókina aldrei framar. En myndirnar eru fínar. Mikið væri ég til í að teikna fyrir hryllingsbók. En ekki fyrir börn. Ég er á móti hryllingi fyrir börn. Nema ef börnin eru gefin fyrir hrylling og eiga auðvelt með svefn. Fyrir þau börn er ég alveg til í að teikna lík og úlfa.
Veitingastaðurinn var að sjálfsögðu troðfullur í gær. Ekkert fór úrskeiðis þökk sé nýja kerfi mágs míns. Hann er mjög hrifinn af því að búa til kerfi. Maður frænku minnar mætti síðan á svæðið til þess að anda ofan í hálsmálin á okkur. Ég er farinn að sjá spaugilegu hliðina á stjórnseminni í drengnum. Það er svo sem ekkert erfitt enda er fjölskyldan mín eitt stórt samansafn af stjórnsemisbrjálæðingum, lúffurum og ölkum. Sumir eru með blöndu af þessu þrennu. Enginn í fjölskyldunni er undanskilinn þessari flokkun minni. Amma er til dæmis lúffari en henni tekst líka að stjórna öðrum með síendurteknu lúffi. Æhh já ef lífið væri nú bara eins auðvelt og í Kardimommubæ, hmmm eitthvað er nú alkóhólískt við þetta bæjarnafn.
Í dag ætla ég að vanda mig við að gera ekki dick. Ég ætla í mesta lagi að komast að því hvað í helvítinu er byrjað að vaxa á tánni minni. Ef þetta er varta þá þarf ég einnig að skrifa Guði eða Decode bréf og skammast. Ef þetta er bara blaðra þá ætla ég að fá mér plástur.
Gerast áskrifandi að:
Birta ummæli (Atom)
Engin ummæli:
Skrifa ummæli